ضد مجهول !!
الحوار (السمج ) اللي بيتفتح كل ما تيجي سيرة مصر .. بقى معروف .. وخلاص حفظناه
وده سواء كنت زيي بتحب مصر قوي او زي ناس كتير بتقول يارتني عايش في مكان تاني غير البلد المؤرفة (مقرفة) دي
وده سواء مع جرانك.. اصحابك او زمايلك او قرايبك اللطاف
ومش عارفة ليه بيبقى نفسي انط في كرش اللي بيقول على البلد دي مقرفة .. واعد اسأل نفسي هي ازاي الناس دي كدة .. هي ازاي مش حاسة ؟؟
طيب هو اشمعنى احنى يعني اللي حاسسيين ؟؟
ورغم اني عارفة وفاهمة هي ليه البلد دي مؤرفة .. وممكن حتى اقوله الاسباب اللي هيقولهالي لما يحاول يدافع عن نفسه .. لما اتهمه بعدم الولاء والانتماء ( وده كلام كبير مش قصدي بيه غيرالشتيمة المصرية البريئة يا غبي أو يا حمار )
المهم نرجع تاني للحوار السمج .. الحوار عادة بيبدأ بسرد لكل المشاكل اللي في البلد بداية من الزحمة و الناس اللي مبتعرفش تسوق والروتين الحكومي الخنيق و المواصلات المؤرفة (برضه) .. ومروراً بالتعليم اللي مفيش منه فايدة والزبالة اللي مالية الشوارع .. ومش هقول الحديث بينتهي بإيه لأنه عادة مش بينتهي ..
وطبعاً في الآخر تبدا الأحلام الوردية اللي هية امتى بقى الواحد يسافر ويعيش في بلد نضيف وجميل ومفيهوش ..أرف !!
أو امتى تحصل معجزة الهية وتتحل كل المشاكل دي فجأة بقدرة قادر .. جايز ..
اللي يغيظ بقى أن الحوار ده مبيتذكرش فيه (الفاعل ) خالص .. وبيتقفل المحضر في الاخر ويقيد ضد مجهول
مش عارفة ليه نسيوا ان الزبالة اللي في مصر طبيعي رماها المصريين ( الا لو كنا اجرنا شركات اجنبية ترمي الزبالة علشان الشركات الأجنبية التانية تنضفها ) .. والزحمة اللي في شارع كلها مصريين واللي بيسوقو مصريين.. واللي علموهم السواقة مصريين ..
ودايما اللي بيشترك في الحوار ده يقول ( اصل المصريين .... ) ومش عارفة ايه اللي بيخليه فجأة كدة يتخلى عن مصريته وينسب نفسه ل .. مش عارفة .. اي حاجة تانية بس المهم مش مصري
انا عارفة ان اللي بقوله ده مش هيوصلني ولا هيوصلكوا لحاجة في الاخر ..
غير الحقيقة المرة ان فعلا الشعب المصري شعب قليل الأدب .. وقليل الذوق.. و مش نضيف.. ومحدش طايق حد .. ومحدش بيشتغل .. ومحدش بيحاول يتحسن ..
بس انا دايما في سؤال بييجي على بالي .. كل مل تيجي السيرة دي
سؤال عمرة ما لقيتله اجابة
ازاي شعب بحالة بقى كده ؟؟
يعني أنا اعرف من الحاجات الأولية الي اتعلمناها في الدنيا ان زي ما في خير .. في شر .. وفي الغني والفقير .. والذكي والغبي .. والشاطر والخيبان ..والنضيف ..و...
بس ازاي شعب بحالة بقى كسلان ؟
ازاي شعب بحالة مبيعرفش يتبع اي قوانين ؟
ازاي شعب بحالة يبفبرك و بيكروت .. وبيكوس ..
ازاي شعب بحالة بقى سلبي قوي كدة ؟؟
الاختلاف بس هو ان النسب متفاوتة .. ناس عندها الحاجات دي باينة قوي .. وناس بتعملها من تحت لتحت .. وناس بتعملها وبتعرف تلاقي الحجج الكويسة قوي اللي تبرر عملتها دي .. وناس قليلة قوي واخدين بالهم .. بيحاولو يتحسنوا .. بس لازم بردة يبقى فيهم حاجة من الحاجات العظيمة دي اللي بتحدد سمات الشخصية المصرية ..
هي يعني في حاجة في الجينات خليتنا كدة ؟؟
ولا الجو مثلاً ؟؟ تفنكروا الأكل ؟؟
يا ترى مين اللي خلانا كدة ؟؟
- ويغلق المحضر.. ويقيد ضد مجهول -
posted by YouSy at 9:32 PM
5 Comments:
ba7ebaha be3onf w be re2a w 3ala este7ya2
w akraha w al3an abouha be 3esh2 zay el da2
w asibha w atfash fe darb
w teb2a heya fe darb
w teltefet tela2eeny gambaha fel karb
wel nabd yofod 3orou2y be2alf naghama w darb
3ala 2esm Masr!
ha2olek eh,
ha7keelek awel mara safert, I used to be that kind of guys always complainning about how crowded it is, n how silly n lazy poeple behave, n how I deeply wanna get out of this country..
untill this unexpected moment:
I arrived at Damascus airport at 12 (ezactly mid-day)
it was my first time to fly above those blind clouds I used to stare at, first time to be 1000 miles away from home, n first time to use a plane to reach my dad!
n on my first step on that shinning airport, with all those cute syrian girls!!
oh! it's a different smell.
here's dad Gasser, shouted me small sister running her fastest to catch his wode openned arms.
but..
I didn't wanna hug him, didn't wanna get out of that airport, finally I figured out
I do wanna go back home..
I'm home sick, though having my family a feet away.
yemken tekoun baladna metayena, bas medahwela w melakhbata bas han2oul eh?!
el ard law 3atshana
nerweeha be demana
7a2 w 3aliena amana.......
it's hard search for words though knowing how eager they're to get out of that gloomy mind..
bas don't ever give up trying..
cuz words are stuff that we build.. n u have to beleive in ur buildings the way u believe in the strong love u built..
always beleive that some words are meant to get out, just let'em find their own way, never push words, let'em go with the flow..
rabena ma3aky:)
كل ما واحد يبتدأ بالجدال العقيم تبع
ليش الأمه العربيه خايبه؟
ليش العرب تيوس؟
ليش حكامنا كلهم خاينين؟
ليش شعوبا متخلفه؟
أتضايق وأسأل الشخص سؤال واحد بيسكته على طول
مذا سوف تفعل بنفسك لكي تغير هذه الأوضاع؟
سكوت
سكوت
سكوت
وبعدين بيغير الموضوع
عربيه وكارت بنك وبتاعه من تركيا
وشغل موجود واثاث اشتريتيه مع مامتك ووديتيه البيت
معلومه هامه:
انتى مش مصريه
ولو سمحتى ماتتكلميش عن مصر
أولاً عايز اسجل كم هلامي من علامات التعجب على تعليق "مواطن مصري"، واحب اسئله عن مفهومه عن "المواطنة" تحديداً، وايه هى المواصفات المصري كما هى مدونة في كراسة الشروط اللي هى معاه هو بس؟!!!!!!!
ثانياً يا يسرا، احنا فعلاً بنعيش جو من اللخبطة والضبابية في حاجات كتير، وده شيء طبيعي في ظروف شعب بيعيش في الكم ده من التخلف.. واحنا مش أول ولا آخر شعب يعيش في الظروف دي، كما اننا بالتأكيد مش الأسوأ.. لكن السؤال اللي كنت دايماً باطرحه لما النوع ده من الحوار يتفتح بيني وبين اصحابي: "هل العيوب والعلل اللي فينا دي، واللي عمّالين نجلد روحنا بسببها، هل هى أصيلة؟ هل احنا كدة بالضرورة ومن الأصل؟ أكيد لأ، وأكيد مش هنفضل كدة على طول، والتغيير احنا اللي هنعمله مش حد تاني، واللي يقول غير كدة أنا مختلف معاه للأبد..
المسألة يا اخوانا إن دي ظروفنا، واللي يعرف يساعد نفسه بحاجة يبقى عظيم، واللي عارف يساعد غيره يبقى أعظم، ولما تسمعوا حد بيحكي في الكلام ده، بلاش جدل كتير معاه، ويا ريت الرد يبقى عملي، يبقى بحاجة ليها قيمة، لأى حد.. تعبنا بقى كفاية
لا يوجد رد على كلامك سوى انه صحيح
لكن
هناك مصريين لا يزالون يؤمنون بها
ويؤمنون بمصريتهم
ويحاولون
بل يقاتلون من أجل هدف نبيل
هو تحسين صورة مصر والمصريين فى عيون العالم الغربي
هذا فقط مثال لشباب مصري
يعمل بجد
لتغيير واقع مقرف نعيش فيه ونرفضه
ليس هذا كلاما
أعرف جيدا هؤلاء الشباب
ويشرفنى ان أكون رئيسهم كما ينادوننى
ولو أراد أحد أن يرى عملهم وكيف يدافعون عن مصريتهم وهويتهم وثقافتهم
http://egyptzmsh.blogspot.com/
توقيع
محسن الزيني
مصري لا زال يعشق هذا البلد
Post a Comment
<< Home